अख्तियार दुरुपयोग अनुसन्धान आयोग घुससहित सशस्त्र प्रहरी बलका प्रहरी निरीक्षकलाई रंगेहात पक्राउ गरेको छ । अख्तियारको बर्दिबासको कार्यालयले घुसको रकमसहित सशस्त्र प्रहरी बलका प्रहरी ओकिल अधिकारीलाई पक्राउ गरेको हो ।
बिज्ञापन
अख्तियारका अनुसार,कमला–ढल्केवर–वाग्मती सडक निर्माणका निम्ति माटो तथा ग्राभेल फिलिङ कार्य गरिरहेका एक ठेकेदारसँग अधिकारीले घुस रकम माग गरेका थिए तर उनले माग गरे अनुसारको रकम रकम नदिँदा निर्माण कार्यमा प्रयोग हुने सवारीसाधन रोक्ने, अनावश्यक अवरोध सिर्जना गर्ने र काममा निरन्तर दुःख–हैरानी दिने गरेका आरोपमा उनीमाथि उजुरी थियो । सोही उजुरी पछि अख्तियारको निगरानीमा रहेका अधिकारीलाई ४० हजार रुपैयाँ घुससहित पूर्व–पश्चिम राजमार्गमा रहेको धनुषाको लालगढबाट रंगेहात पक्राउ गरिएको अख्तियारले जनाएको छ ।
बिज्ञापन
